Saletti :)

Mir hoffed, es goht dir guet und du bisch au scho gspannt ufs Wiederseh.

Mir sind grad ah de Finplanig vo üsem Klassetreffe im November. D‘Idee wär dass mir das Treffe in Bürgle innere coole Location bi guetem Esse, Getränk, es paar unterhaltsame Programmpünkt und vielne spannende Gspröch mached. Zum Esse gäbs Grillspiessli, wo vo üs organisiert werdet. Mit ere grosse Uswahl a Salöt, Fleisch und Gmües bis zum Grillchäs sött Jede versorgt sie. En feine Dessert rundet de Obed den ab und söll zum verwiele Ihlade. D‘Getränk sind nöd im Pris inbegriffe und chönd individuell a de bediente Bar bezoge werde. 

Für eifachi und verbindlichi Planig lauft d’Ahmeldig über e Twint-Zahlig. Sobald du de Shania (+41 76 326 50 70) CHF 60.– twintet hesch, bechunsch en „Coupon“ als dis Ticket fürs Klassetreffe. 
D’Ahmeldefrist lauft bis Endi August.

Mir freued üs jetzt scho sehr und hoffed uf zahlrichs Erschiene. Wenn du e cooli Idee hesch für e Rahmeprogramm oder sust e Ahmerkig dörfsch dich ebefalls sehr gern melde.
Bis döt wünschemer en schöne Summer! Hebs guet!